“Сцяжынкамі фальклора»

12 ліпеня на пункце выдачы кніг прайшла гульнёвая праграма  “Сцяжынкамі фальклора” з мэтай далучэння  падрастаючага  пакалення да нацыянальнай спадчыны.

У цудоўны свет вусна-паэтычнай творчасці і фальклору адправіліся вучні з летняга лагера  “Первопроходец” пры Краснасельскім раённым цэнтры творчасці дзяцей і моладзі. Дзеці адгадвалі загадкі, складалі прыказкі і прымаўкі, вандравалі па народных казках, прамаўлялі скорагаворкі.

Кніжная выстава “Скарбы зямлі Беларускай” прапанавала вучням беларускія казкі і легенды, загадкі і песні, народныя гульні і зборнікі прыказак і прымавак.